di pippen84
u librixeddu scritu e cuidau de Juanne Spano su canònigu, imprentau in Casteddu in su 1876 de sa tipografia "Alagna". Innoi: sa Vida de Sant'Arega, sa pregadorias de sa Novena e is Goccius, totu scritus in lìngua sarda.

Sa "Storia della chiesa di Santa Greca presso Decimo Manno ed esercizio spirituale in lingua vernacola che dai devoti si pratica in detta chiesa" est su t'tulu cumpriu de unu librixeddu mesu in italianu e mesu in sardu bessiu in su 1876 e-i scritu de Juanni Spano.

De su canònigu piaghesu nd'eus kistionau jai in is pàginas intregadas a s'Otoxentus. Ma tòcat a fueddai de-i custu librixeddu puru, ca est un'obra rara meda e ki  conòscinti in pagu.

Juanne Spano iat iscritu "ghias arkeològigas" ke sa Guida di Cagliari e dei suoi dintorni de su 1856, sa Guida del Duomo di Cagliari de su 1856 puru, e sa Storia e descrizione dell'Anfiteatro Romano di Cagliari ki esti de us 1868.

E in su 1876, cumenti eus nau innoi a pitzu, su Spano iat fatu imprentai una faina literària intregada a sa stòria de sa crèsia de Sant'Arega in Dèximu (Decimomannu).

Custu librixeddu de 37 pàginas est spartziu in duas partis: sa primu perra, ki est una descritzioni de sa Crèsia po is "turistas", e ki d'at scrita totu in italianu, "serve per appagare una parte dei viaggiatori che si portano a visitare questo Santuario, cioè di quei curiosi che vorranno conoscere la storia e fondazione di essa".

Invecis, sa segundu perra, ki est totu in sardu, est intregada a is fidelis ki àndanta ank'e sa crèsia cun "devozione e con viva fede nella Santa per dimandar grazie, o per sciogliere voti per le grazie ricevute".

Custa segundu perra su Spano d'iat copiada de unu librixeddu de pregadorias ki is fidelis fìanta avesus a arresai in is diis de sa Novena intregada a "Santa Greca".

Sa tenta de su Spano est ladina meda e da podeus cumprendi in custus pagus fueddus de s'introdusidura de sa "Parte Seconda": "ho creduto necessario di fare questa ristampa, in quanto che, il libro di cui ne ho visto un solo esempio, senza data d'anno, e di luogo, lo credo molto antico".

Duncas su Spano iat bòfiu allogai su contènnidu de-i custu librixeddu antigu antigu.

Custa segunda parti de su librixeddu 'e su Spano da cumpòninti: sa biografia de Sant'Arega (Vida de Sant'Arega), is oratzionis de sa Novena (Novena) e is gòcius (Goccius). A pitz''e-i custus gòcius su Spano iscrit ki "si credono dei più antichi che abbiano composti e cantati i primi Cristiani, dacchè la chiesa introdusse il culto della Santa".

Labai sa "Vida de Sant'Arega" cumenti d'at imprentada su Spano in sa pàgina 25 de-i custu librixeddu raru:

Sa gloriosa Virgini, e Martiri Sant'AREGA est nascia in Deximu Mannu. Non si podit dudai de is bonus costuminis de custa Santa Piccinna, essend'istada digna de cunsighiri sa corona de su martiriu. In tempus de su Presidi Flavianu, cumandendi s'Imperadori Dioclezianu, fiat stetia obbligada a negai sa Religioni Cristiana, chi professada.

Però issa costanti in sa Fidi de Gesu Cristu hat suffriu crudelissimus acciottus: morit finalmenti cun animu intrepidu a filu de ispada. Is Cristianus arregollendu secretamenti su Corpus, dd'hant'interrada ind'unu logu aundi oi est sa Cresia. Custu Tesoru est istetiu medas annus occultu, depustis si sunt'incontradas is sagradas Reliquias; e si cunservant in sa propria Bidda de Deximu Mannu.

Po intercessioni de custa gloriosa Santa non lassat Deus nostru Signori de cuncediri a is mortalis singularis favoris.

Caralù